一轉眼又到咗年初七人日, 時間真係過得快!
達達喺牛年人日, 祝大家生日快樂; 從網上同達豬求咗個電子御守, 都祝願大家同所有毛孩都安好, 百毒不侵!
呢排達達都叫做唔係太好中嘅幾好, 年紀大氣力差咗活動力不足, 呢位一直比人話佢童顏嘅baby, 呢兩年有明顯感覺佢變老!
近來阿女過嚟多咗帶埋貓貓, 有幫助達達將孤獨感覺沖淡, 依家佢都好習慣有貓貓不停走動, 雖然佢唔會做主動, 但算唔抗拒貓貓, 仲可以安心同佢哋一齊瞓覺; 換轉以前佢咁嘅性格, 其實係好難!
有啲生氣對佢影響會係好, 當然呢個係聰明女, 佢好明白貓貓只係客, 佢先會表現咁豁達!
心情影響胃口, 已經好耐無見過佢食得咁好喇, 最開心搵到對佢胃口嘅羊肩肉, 唔需要工人姐姐著力切除肥膏, 兼且肉質腍滑, 我blend肉蓉時都感覺到, 呢個公主唔會接受肉質粗糙嘅伙食嘛, 超級煩!
真係好難得佢食得清光食得快, 我拎走個碟佢嘴仔仲跟住個碟移動😋, 好似同我隻手鬥快!
無經歷過毛孩唔肯食嘅狀況, 就唔會感受到我嘅感動, 唔使氹唔使手餵, 好耐無感受過嘅輕鬆😌!
 |
| 氧氣箱都幫佢貼個揮春, 希望氧氣只係用來保健, 唔會係必須要用！ |
今日人日, 對我係另一個特別紀念日, 18號亦係波波離開嘅第五個月, 一轉眼就過咗153日....
問自己有無放寬心? 其實唔需要去諗, 住喺我心裡面嘅波波每日都與我同在, 祇係我再觸碰唔到佢肉身, 仍係有傷感!
喺呢個過年日子, 突然想重溫吓波波以往過年嘅片段, 睇住小時候一臉稚氣嘅佢, 對比到垂垂老去, 有太明顯嘅區分.
昔日彷似好遙遠, 又好似好近!
 |
| mp4 -想見你想見你想見你 |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
