終於親手送出咗豬仔嘅網床, 實在承載住太多回憶, 要鬆開手仍然感覺難過; 不過, 根本唔需要'睹物'去思人, 回憶喺腦裏面根本從來無離開, 只係無挑動起會無咁難過!
 |
| 憶往昔, 物是人非! |
琴日心情真係七上八落, 阿女話帶埋兩隻貓貓過嚟食團年飯, 問我借用豬仔嘅戰車比貓咪坐, 當我推住載住貓貓嘅車仔, 再一次行經以前同三隻豬仔行過嘅路, 不期然淚凝眼眶, 有桃花依舊嘅感慨!
網上睇到一段文字，好認同亦有感觸.…
'時光是最無情，也是最深情！
它會從我們的生命裡帶走一些難以割捨的東西，也會留下一些難以忘懷的記憶，讓我們從塵世的煙火裡，用餘生去惦念，去找尋！' mp4 - 心中的遺憾
可幸喺呢個數碼相年代, 我哋可以有好多相片視頻, 可以撫慰受傷嘅心, 不過唔知係幸或不幸, 另一方面亦帶出好多遺憾!
從過往嘅相片, 每每提醒自己曾有過嘅疏忽, 我真係唔明白自己已經係一個咁緊張嘅人, 點解當時會咁唔留神⋯⋯
如果一定要作出解釋, 呢啲就叫做命運?
永遠填補唔到嘅遺憾, 朋友、家人都叫我放開, 但對我來講, 遺憾就係遺憾!
今年有疫情, 自己亦唔好心情, 團年飯都係酒家外賣, 喺呢個環境下, 一家人可以圍埋食餐團年飯, 應該感恩!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
