時間過得飛快, 一轉眼又到元宵節, 達達祝大家"花好, 月圆, 幸福生活日日甜!"
已經係春天, 感受到真係一個潮濕嘅季節, 個人感覺唔爽快, 其實真係麻麻哋鍾意春天!
但話分兩頭, 春天又的確係一個春暖花開, 萬物復甦嘅季節, 最明顯感受來自達豬, 今日同佢梳毛時就覺得佢嘅毛毛比之前豐厚, 毛質比之前好咗唔少; 其實到咗今時今日我已經唔會再喺外觀上有糾結, 但見到佢嘅毛髮有好轉, 仍然係一個健康參照嘅指標.
十四歲幾嘅高齡, 唔敢話佢健康正好轉, 每晚仍會比佢氧氣做保養, 佢亦知道自己嘅需要, 有時會喺氧氣箱瞓耐啲, 有時放佢入去無耐就呱呱叫, 我都祇有配合佢嘅需要!
講到腦退化呢方面, 又真係同以前有好大分別, 我依家會覺得佢頭腦極清晰, 好似識睇鐘添; 每日挨近老公放工嘅時間佢就開始叫, 無論點氹、放佢去邊, 佢都一樣唔停咁叫, 直到老工踏入門口佢仲要大叫, 一直到老公放佢上梳化同佢排排坐先停止吠叫.... 咁又點可以話佢老人癡呆? 事實佢好清楚自己想點!
近來覺得寫呢個blog好似無咩重點, 無咗波波同豆b, 已經唔同以前, 都有啲想停咗算, 不過同朋友提起佢又話想見吓達達, 叫我久不久更新吓唔好將佢終結.....
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
