 |
| 終於大功告成, yeah! |
我嘅陶土公仔手工改動終於完成, 呢個改動原來都頗繁複, 對我嚟講, 修改部份都好大工程, 事實真係唔敢太大改動, 自己功力有限怕最後唔成功😜!
 |
| 以為咁係得, 原來係唔得嘅, 要全個公仔重鋪陶土! |
雖然修修補補都算做得到, 但新土加在表層有少少離層，去到上色呢步, 出現更多漏洞, 新上嘅顏色同舊色唔可以銜接, 顏色重疊唔成功; 明顯見到分界線我接受唔到, 到最後膽粗粗全個大幅度重做!
最後呢, 叻叻公仔除咗尾巴無郁動, 面部做咗較大改動, 全身亦都要薄薄再鋪一層新嘅陶土.....
一路改動時, 叻叻嘅形象好自然咁浮咗出嚟, 我感覺極好, 無咗之前嘅失落; 原來我祇係唔識去描述, 言語表達唔到, 叻叻仍一直活喺我心中😘!
唔敢話自己改得好好, 其實叻叻樣貌變化好大, 每張相片都好唔同; 我只能夠結合腦中嘅影象同手中某啲相片去修改, 但自己覺得修改後公仔係同真身有靠近咗一步!
波波本來已經做得好好, 不過後腦部份要加返厚度, 毛色方面亦有空間改進, 改色後我自己覺得較好, 可以做到咁我已經好滿足!
阿女叫我試吓自己做埋4隻毛寶, 佢真係以為我係師傅😝, 我邊有咁嘅本事去做！
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
