正當我仲講緊波波無再返嚟, 琴晚去完廁所一踏腳出嚟, 就見到波波嘅身影喺我眼前掠過, 我見到佢行去客廳梳化方向, 雖然好快但手仔腳仔郁動嘅姿態, 都睇得非常清楚, 我確定我無眼花唔會睇錯, 當然我即刻追出廳已經見唔到佢喇!
但我好感動, 波波一定係感應到媽媽嘅想念, 佢好乖仔返嚟探我, 呢次係我第一次見到波波, 之前祇係有感覺, 有氣味, 有聲音; 咁貼心嘅波波我點會唔時刻掛住佢啊!
好感恩我今生遇見波波, 比我深深體會到"愛", 呢種感覺唔識用口述, 亦唔一定會遇到, 我能夠擁有真係好幸福!
 |
| 都係在家千日好, 留院好唔精神 |
今日貓貓返診所見醫生, 聽醫生講解超聲波報告, 幸好無發現其他隱疾, 都係腸胃問題, 著重調理為方針; 貓貓返家後從開始要用針筒餵食, 進步到用匙羹, 到今日已經乖乖自己食嘢喇, 算係有驚無險好感恩, 見到佢當日流晒口水縮埋一舊, 真係比佢嚇親!
養毛孩真係要有愛心, 要視佢如家人唔好祇當佢係寵物, 見到最近好多貓狗走失, 大家務必要多加留心; 最難過好多人一開始興致勃勃養動物, 之後玩厭、動物有病、年老、嫌麻煩就棄於街頭, 咁做等同謀殺你於心何忍?
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
