 |
| 達豬係老baby |
天氣太熱, 唔敢帶達達出去, 依家每逢天氣變異都感覺佢有啲怪怪哋, 瞓覺都反來覆去, 以前佢對天氣變化無咁敏感, 可能年紀大咗對氣壓轉變感覺差啲; 幸好有制氧機, 適時放佢入去, 佢都好樂意！
早幾日同佢沖涼, 發覺佢毛毛又變厚咗吹乾唔容易, 但佢依家唔肯入乾毛箱太耐, 唯有等到佢唔耐煩嘈住要出嚟時, 再補用風機; 要跟隨住公主嘅心情配合佢, 用風機吹好短時間佢都ok; 無諗過經歷咗三次脫毛症嘅達達豬可以痊愈, 佢都真係算叻女!
 |
| 每次沖完涼都攰死 |
做到第三個陶土公仔喇, 今次做呢個係我養嘅第一隻松松Bebe,嗰時乜都唔識養到佢好肥, 佢唔係迷你松松體重多於5kg😱!
都多謝因為訂制嘅叻叻公仔唔太合我意, 激發起我自己動手嘗試, 雖然手工唔及人哋, 但自己做又多咗重意義; 無論是否神似, 過程中都會將狗狗嘅型態重溫, 一路做一路諗好多好多次☺️!
雖然每次都會做到想放棄, 尤其今次真係一個大挑戰, 所有狗狗中Bebe相片最少, 真係要加啲想像, 再者今次試做合上口做型, 感覺更困難, 可能自己亂撞, 無老師指導個竅門特別唔容易, 但最後見到個成品時, 又覺得好有意思😊!
會繼續做埋安安, 亦計劃再重做叻叻, 即使之前做過改動, 但放埋我做嘅一齊, 總覺得唔協調, 都係覺得唔似; 當然我同專業嘅手工一定無得比, 睇3隻豬仔就知, 師傅真係做得幼細又超神似!
 | |
|
其實我真係好想交比人做, 無奈我唔能夠提供適當相片比人哋, 唯有自己動手, 配合相片加上腦中嘅影像, 希望會似啲.....
我好怕收到好似呢隻叻叻, 雖然都唔可以怪人哋!
好開心八寶又以另一形態留喺屋企, 陪住我過未來嘅日子!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
