最近我嘗試自己做陶土公仔, 第一個係模仿樂樂, 老實講一開始真係好enjoyed, 從無到有由一舊陶土做到一個型狀，過程好有快意!
一早知道做呢種手功唔容易, 但親手做起上來先感覺到個難度, 左改右改都唔滿意, 要克服意志, 唔好虎頭蛇尾!
開始時進度快到出奇, 一來係我個性心急好明白自己, 到後來要求細節神似就開始想死, 一改就衰, 結果五官要重做真係想打爛佢; 搞咗一輪, 唔繼續又唔忿氣, 做個手功都好考毅力, 叫自己要善始善終一定要堅持, 最後終於做好隻狗仔, 已經唔敢再要求相似😅!
夏天係達達毛髮旺盛嘅季節, 到今時今日我唔會再睇重呢啲, 但最近抱起佢時, 明顯感覺毛毛豐厚咗仲有彈性, 咁係健康指標一個反映? 好開心佢重有回春嘅能力; 雖然我唔覺佢健康有乜嘢突破, 但總算肯食又瞓得, 我仲可以要求更多?
真係好多謝達達公主無再嚇我, 比我時間與空間玩吓陶土, 如果惡女有唔妥我仲邊有心機, 依家三步不出閨門我就快悶死!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
