忍、忍、忍至忍無可忍, 連比一個月通知期都頂唔住, 決絕D叫自己死心!
琴日一早叫工人姐姐收拾行李, 即帶佢返去agency, 中止合約有第3者見証安全D, 費事有手尾!
算喇財散人安樂, 送走佢唔使咩都忍住, 又唔使咁激氣, 希望從今以後可以心境平和D!
請一個工人, 依家要近萬蚊agency fee, 炒又要補一個月薪金, 大假, allowence, 仲要買機票送佢返去, 如果忍得住, 真係唔捨得近兩萬蚊喺短短4個月就付之流水, 但為咗呢D錢要繼續忍氣? 實在唔容易!
算喇一切已經成為過去, 亦唔想回望佢嘅poor performance, 就將呢4個月所有唔開心徹底忘記, 今日從新開始!
一早起身大掃除, 由佢間房開始, 即使我係心急嘅人, 都無可能一下子攪得掂, 真正明白咩叫做表面風光內裡dirty!
吸塵打掃洗洗刷刷, 一個上晝已經攰到我死; 雖然開住冷氣, 一樣做到身水身汗, 好奇怪佢可以容忍自己間房咁dirty!
又去返4個月前等工人到嘅日子, 今次要回一回氣, 暫時搵鐘點幫住; 對外傭實在有恐懼, 等我調較好心理障礙, 再計劃未來嘅日子啦!
只係咁忙碌做家務, 就少咗時間將3隻豬左擁右抱, 今日見波波好乖咁坐喺度, 用好渴望嘅眼神跟住我個人係咁轉來轉去, 心痛到死 :(
應該都係一個短時期, 等我攪掂一切上番軌道, 就可以同3隻寶貝再有互動, 希望佢哋健康合作, 唔好比我負擔加重, 正常嘅活動可以預期!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
