 |
| 相片連結 |
好鍾意買嘢, 女人嘅通病, 尤其依家有咗網上購物, 跨國買嘢都OK啦；網上購物選擇範圍真係大, 太吸引喇!
一向上網購物都係靠朋友, 我覺得過程好複雜, 感恩有好朋友願意幫助, 想要嘅都肯幫我買, 多謝晒!
但唔想成日煩人哋啦, 幾日前自己懶叻, 自己試吓, 點知去咗個唔知咩鬼網站, 比晒資料又買唔成功, 都唔知點好喇, 香港地依家多咗騙案, 都係小心D好啦, 即刻call 銀行cut咭, 唔敢再試喇!
話說近日有傳速遞詐騙, 我都真係收過呢種電話, 話派咗3次無人收件, 叫我call back有專人對答, 我明明無出街, 就算我出咗去工人都喺度啦, 知佢講大話; 再者睇咗咁多資訊, 唔會蠢到咁卦!除咗電話, 亦收到個email, 係銀行叫我按入link更新資料㗎, 我當然唔敢做啦, 咁多陷阱真係得人怕!
講番網購, 真係幫助極大, 有咗網購慳番好多呀; 自從達達毛髮變異, 兩年半來我一直keep住用magic mist, 呢隻產品我比佢極高評價, 當然每個身體反應唔同, 有狗狗覺得麻麻, 但我3隻豬極夾, 我係忠實擁躉啦!
長期咁用梗係買保補充裝啦, 平好多嘛, 點知代理已經無再入貨, 要繼續用就要買細裝, 貴好多呀 :'(多謝A幫忙, 搵到來源幫我直接向日本網購, 琴日帶我去攞咗喇, 從今可以從日本訂貨, 仲平更多啦, 開心死啊!
仲要多謝佢幫我買咗新款松松扭蛋, 又送我松松便條紙啦, 多謝A, 多謝M不厭其煩幫忙購物, 感恩啊!
呢兩日天氣極熱, 當然唔敢帶佢哋出街, 早兩日又見台灣有松松中暑走咗喇, 見主人網上留言, 心都實晒!
"明明開開心心帶小朋友出去玩玩, 點解咁就走咗, 再唔返嚟喇"
自問接受唔到發生呢種事, 就由得3隻豬做溫室小花, 捧喺掌心養算喇, 由得佢哋3個自己玩, 我就勤力幫佢哋做物理治療啦; 應該都有好多人反對我嘅做法, 哈哈, 各人選擇啦!
早幾日阿女突然送我一份禮物, 原來係tailor made beer, 有3隻豬做label, 幾得意吖 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
