 |
| 相片連結 |
佢同我一様, 都會為狗狗盡心盡力, 鑽研飲食, 為寶貝學習新知識; 但結果身體出現咁多問題, 一下子要接受唔係容易嘅事!
睇到佢就好似睇到自己, 一心以為盡心照顧, 關心伙食, 用心保養住就會無事, 但個結果係咁令人失望, 佢嘅感受我當然知!
當自己唔係身處其中, 係可以理性分析所有事, 比最好嘅照顧, 食最好嘅補充品, 研究更好嘅飲食, 衹可以幫到身體抵抗力好D, 但生老病死呢個自然定律, 仍係無可能跨越時空, 跳咗過去變為無事!
盡力照顧做足一切, 唔代表身體就會無事, 要嚟嘅始終無得逃避, 喺能力範圍下但願可以做得好D; 希望可以幫狗狗維持到高嘅生活質素, 時間長短無人可以預期!
人力始終渺小, 只好見步行步, 我哋無辦法唔屈服於自然定律, 但愛佢哋嗰份心意天知地知!
唉, 道理每個人都明, 只差針吉到肉, 只有當事人先切切實實感受到嗰種痛!
人生不如意事十常八九, 都只有無奈接受, 唯有講服自己凡事睇開D啦!
工人姐姐走咗五日, 我已經做到成個散晒; 一來當然係未習慣啦, 二來都係衰喺自己嘅性格, 見到污糟邋遢心急整理番; 做嘢無遁序漸進, 乜都要快, 點解叫自己改變係咁難 :(
連日來爬高爬低, 一下間勞動力過大, 琴日已經全身肌肉疼痛, 今日暈吓暈吓, 不得不停低休息番!
雖然目前諗住用鐘點工人, 但同家傭仍係分別好大, 就算鐘點做得再好, 都唔可以隨時有調動時間嘅空間,往後天氣轉好, 想同3隻豬出去都有困難, 點有可能一拖三啊!
無奈請外傭真係請到怕晒, 現階段真係要回一回氣, 將腳步拖慢, 試吓用鐘點先, 慢慢再做計劃!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
