 |
| 相片連結 |
呢排要忙住照顧貓貓, 見到波波腳仔無力, 行得唔好都無辦法, 無密集做物理治療, 實在時間有限; 但基本嘅照燈, 場效應, 針灸筆加埋按摩都做足晒; 不過無見到明顯改善, 見佢跛吓跛吓咁行, 個心揦住痛啦!
一直都想用CBD oil幫吓, 但佢食緊西藥我有D怕, 如果有相衝就死火啦, 但見佢行得咁差, 呢D係每日目睹嘅實際情況, 明顯對佢影響好大, 我唔可以當睇唔到嘛!
不停搵有關CBD oil嘅資料, 大部份記載都話無副作用好安全, 但都有同某類藥物有interaction, 要小心D啦!
搜尋咗好多有關藥物相互作用嘅網站, 都無見到波波食緊嘅呢隻藥榜上有名, 當然我係用人食嘅藥名去搜尋啦, 但都係唔放心, 就去睇吓其他降壓藥嘅資料, 都想大概知道吓!
記載話有某種降血壓藥, 食用CBD oil會有加成作用, 即係藥力會加強咗, 要小心降血壓過低喇; 但呢個相互作用都唔可以話差, 可以同醫生商討將降壓藥嘅份量減低, 搵個平衡!
睇到呢個interaction, 我就無咁驚喇, 如果可以減藥就最好, 根本我擔心緊要加, 就算keep到依家嘅藥量都唔錯嘛!
曾經試過想同波波減藥, 蛋白尿即刻變差, 迫住要繼續唔敢減!
其實, 食西藥食到一定時間, 都離唔開要換藥, 或加重藥量呢套, 仲想減藥都自知係妙想天開啦!
近來做UPC試紙檢測, 報告都比之前差, 雖然仍屬正常水平範圍下, 但都有D跡象呢隻藥快失守喇!
雖然依家我已經無以前咁看重個報告, 最緊要睇住個仔嘅表現, 不過做個簡單嘅檢查, 作為一個指標, 想及早借助保健品去幫吓, 希望唔使行到加重藥量呢步嘛!
 |
| video |
已經加入咗藻心沛, 亦加入咗CBD oil, 安全距離西藥12小時, 用最低劑量開始試吓!
已經食咗5日, 暫時無見到波波有不良反應, 精神胃口都好好, 今日仲行得幾好啊; 有可能天氣回暖影響, 又或者有關新加入嘅supplement, 點都好啦, 有進步就好啦!
會小心留意住波波, 希望佢接受得好, 食補總好過藥補嘛!
達達豬呢, 平平穩穩, 都仲肯自己開餐, 精精神神中氣十足咁鬧人, 好感恩喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
