 |
| 相片連結 |
又係時間幫達達轉吓supplement, 理所當然集中照顧佢個心, 仲有之前佢肝酵素偏高, 都要繼續用護肝保健品!
不過達達依家好麻煩, 某D粉狀supplement如果未能 100%溶解, 加咗落餐佢連肉都唔肯食, 好頭痕😖, 唯有猛搵水劑嘅supplement啦!
好幸運搵到呢兩款滴劑, 好方便因為無酒精唔需要稀釋, 而最好嘅係比達達試食後佢又接受!
加入咗外國CHF group, 感覺外國人對草本, 另類療法接受度較高, 同我會夾到; 香港多聽從獸醫吩咐, 多用傳統西藥, 各取其適, 各有各好啦!
從群組上得知好多狗狗服用young at heart呢隻草本後效果好好, 有狗狗仲可以全quit咗西藥, 咁多毛孩家長用藥後正面嘅feedback, 令我好鼓舞, 我希望達達用後都效果咁高!
Link: young at heart
達達無用西藥, 祇用順勢療法, 我希望加入呢幾隻補健品後, 對佢心仔有更大保護; 好明白慢性病係唔會康復喇, 尤其心臟病, 病發係可以好突然, 而每次病發都有可能會失救, 祇好盡自己能力去做好!
波波又有新麻煩, 真係想透啖氣都咁難, 之前發覺佢皮膚好似有霉菌, 照UV燈後好多點點已平復, 以為佢好返!
琴晚同佢沖涼, 毛毛濕後見到皮膚有黑色一撻, 即刻諗起達達, 之前達達脫毛症都經歷過同樣徵狀, 波波年紀咁大先嚟咁玩??? 不過我無以前咁緊張喇!
仲可以點玩? 已經睇唔到行唔好, 腎仔都衰老, 就算甩埋毛都好, 我都會盡力照顧, 出現呢種問題可能免疫力唔好, 不過X檔案無人會知道; 好冷靜同佢搽油落皮膚, 要信自己會做得好 💪💪💪!
還好早知道, 慶幸現階段未出現甩毛, 希望繼續照UV殺菌, 用dermagic沖涼, 浸milky spa, 再搽油保護, 可以及時制止到啦!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
