原來已經有兩星期無updated個blog, 橫垮咗母親節, 補祝毛孩媽媽母親節快樂!
近來真係太忙, 還好兩隻豬仔平安, 無咩特別嘢要講; 真係最好唔使講, 平安順遂無風無浪, 今時今日我只求兩隻豬仔, 就算年紀漸大器官衰退, 都保得住日常起居生活正正常常!
達達食咗兩隻新加入嘅草本藥, 不經不覺有 20日喇, 無見到review嗰D咁卓越嘅狀況, 但老公話達達毛色靚咗,毛毛開始變金黃; 其實每年夏季都係達達毛量最旺, 毛色毛質都有好轉趨向, 可能無關呢兩隻草藥, 但佢健康情況仍然可以支持到毛髮變差後再反彈, 都仲代表佢身體仍安康!
雖然食咗隻草本無見到好特別效果, 但對胃口似有幫忙, 已經唔需要再手餵, 佢自己都可以將食物慢慢食光光; 雖然無見到九秒九清兜狀況, 亦感覺唔到佢對開餐雀躍, 但肯自己主動去食, 已經係一個大躍進, 按部就班咁進步, 都算係順理成章啦!
波波呢段日子以來, 胃口一直都唔錯, 不過今早唔肯食菜, 唔通又係壞徵兆健康走下坡?
對呢個仔, 我已經萬千寵愛, 我都唔知要點先可以做得更多, 無論結果如何, 我祇求往後嘅路佢唔會行得辛苦, 生活平平靜靜咁過!
波波皮膚狀況算係控制咗, 無出現甩毛嘅情況, 皮膚上黑色素淺色咗但仍然沉著, 但無再轉差狀況; 已經從美國訂購咗枝spray, 希望有更大幫助, 當然呢枝都係成份天然, 我唔會用chemical嘢加諸佢哋身上, 最怕傷害咗健康, 等收到枝spray後再同大家分享!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
