2016年嘅平安夜, 孤注一擲咁為波波做咗個高危選擇, 麻醉脫蛀牙!
當時經過好大掙扎, 好怕波波插喉時氣管收窄呼吸困難, 又怕加重蛋白尿腎臟負擔, 更怕佢麻醉後醒唔返, 但我無得揀, 當時波波牙痛到連飲水都有困難, 唔好講食嘢, 凡有嘢入口都痛到震晒, 我唔忍心見佢咁慘, 即時四處搵醫生, 希望喺最安全嘅環境下減低風險, 已經別無他法!
曾請求專科醫院收症, 被要求faxed病歷, 但最後回覆係無牙科唔接症, 可能波波身體太多問題要兼顧, 犯不著有意外壞咗名聲卦!
徬徨又心急, 但唔敢亂搵醫生, 實在見到太多庸醫罔顧生命, 真係多謝馮醫生, 我簡直當佢觀音下凡願意救"我"命, 肯為波波擔起呢個麻煩嘅使命!
當日嘅情境, 至今我仍十二萬分咁衷心感激, 記得當日晨早, 馮醫生叫我同波波入診症室, 先交代佢計劃好嘅流程, 再特別為我開咗之前無嘅先例, 為保波波情緒平靜!
詳細內容唔方便引述, 但波波條命仔得保, 我會歸咎係馮醫生仁心仁術, 波波幸運受領!
網上曾見有人帶貓狗絕育, 洗牙, 姑娘只叫留下主子, 全程醫生隱形!
當日完成麻醉脫牙療程, 平安帶波波歸家, 同阿仔講要乖乖比我刷牙, 無可能再一次去洗牙, 真係賭命㗎...
呢兩年半多, 自問唔敢偷懶, 但無奈結構性問題, 要達到目標, 唔可以靠努力!
當日波波只剝剩幾隻牙仔, 牙仔無旁邊嘅牙齒做倚靠, 好快就出現鬆吓鬆吓, 鬆咗嘅牙縫最易藏住食物殘渣, 任我點努力都清唔到啦, 會攝住咗滲吓滲吓落牙腳下; 我一直用順勢療劑頂住, 捱到今日, 好似又出問題喇😟!
近排偶然見佢口仔有嘴嚼動作, 應該係牙仔唔舒服啦, 已經鬆咗咁耐, 但慶幸未至於痛卦, 但我就超擔心喇, 今次真係無得搞😢!
每逢諗到無得諗, 又總會絕處逢生!
早幾日阿女帶貓貓去睇醫生, 馮醫生檢查佢口仔, 話裡面嘅大牙有牙石, 還好並唔嚴重, 試吓用善玉菌, 好多正面嘅回響, 得到改善係大有可能嘅!
阿女當然知道牙患影響好大, 佢從細就有幫貓b刷牙, 但最入面嘅牙仔刷唔到嘛; 阿女比我睇隻善玉菌時, 我係無為意, 及後就好似突然驚醒, 都可以比波波試吓啦!
即刻上網搵資料, 呢隻產品係專門針對牙垢、口臭、牙齦發炎紅腫、牙肉出血，牙結石等口腔問題，用後都可以一一改善, 咁梗係立刻買返嚟啦!
只可以盡人事聽天命, 由上天帶引, 萬望可以幫到波波, 我哋仲可以有D安樂日子過吓!
產品說明：
日本的 “善玉菌”，是乳酸菌的一種，而一般嘅善玉菌只係針對腸
日本世界12個國家PCT特許成立口腔善玉菌K12及M
K12和K18益菌的安全性已經得到美國ATCC 🇺🇲️和德國ABAS 🇩🇪 兩大細菌研究組織的安全認可。
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
