差啲入咗鬼門關

多謝大家whatsapp關心波波, 今次情況一度嚴重, 氣管收窄呼吸困難, 差啲入咗鬼門關！
見佢辛苦喘氣真係好心痛, 當下好想佢放棄, 唔想佢咳到快要斷氣咁慘, 低聲好溫柔同佢講, 叫佢唔好掛住媽媽放心去搵豆b玩, 唔好再撐！

手中皇牌 - 順勢滴劑

買咗一堆順勢療劑, 全部係針對波波今次咳嗽氣管下塌, 今次全選用滴劑, 因為當佢咳緊時要佢吞服有困難, 怕逐親仲慘!
順劑藥可以選擇滴劑直接滴落皮膚, 對波波現時嘅情況真係幫助好大, 唔需要經過佢喉嚨仔無刺激嘛!

氣管下塌 (w/video)

放部手機入去播dog relaxing music 等佢calm down

波波睇完醫生, 食藥後未達到我預期想要嘅效果, 仍然係咳得好頻密, 上星期日咳得太用力, 大小便都失控直噴😰! 
真係最差嘅星期日, 一方面要安撫個仔情緒唔好咁繃緊, 越緊張呼吸困難就越咳,  然後又要同佢洗下半身, 佢情況咁差沖涼當然唔敢！

水深火熱

又差不多一個月無update個blog, 要點講好? 講得誇張D我會形容過去一週處於水深火熱中！
其實有照顧過年長毛孩嘅朋友都知道, 去到某個階段真係好辛苦, 身體上嘅疲勞還可以死撐, 但精神上嘅痛苦要點過渡？

呢個月來, 兩隻豬輪住比難題叫我應付, 一波未停又一波, 我已經乜都諗唔到, 祇求應付到目前就好!