 |
| 相片連結 |
終於買咗枝iWand plus返嚟, 但真係好難proved個效果, 買嘅原因純係因為波波; 唔知佢係咪用呢枝嘢照穴位後真係好咗, 但見佢照射中嘅表情咁enjoyed就說服咗我; Mi話波波咁柔和嘅眼神, 佢從來未見過 :)
 |
| 眼神好放鬆 |
琴晚一行3人殺上代理公司, Ka想瞭解吓其他產品, Mi又想買枝幫佢女女照吓喎, 佢隻女皮膚敏感, 都希望幫到囉; 為咗毛孩嘅健康, 我哋呢D毛孩媽媽都唔介意赴湯蹈火!
穴位治療係有數據支持, 我信喎! 不過用呢枝咩質子能量, 係咪可以做到無針針灸嘅效果, 就要用落去先知囉!
多謝Ka知道波波出事第一時間借枝iWand plus比我, 喺個critical 時間有多一樣幫助, 波波出事都不覺已有一週, 佢係有好咗, 但未去到無事咁囉, 一於繼續困籠食藥照iWand!
今日分別同豆b達達都照照, 兩個女都OK, 無抗拒已經係好事, 我有個感覺呢個治療最終會係達達得益最多; 佢無波波咁意志力強, 正如A話....波波係硬頸, 似足我 ;)
咁又真喎, 我對週邊D治療一向無咩感覺, 似我就衰囉!
近幾日又熱又焗又潮濕, 咁嘅天氣真係唔敢出去, 真係怕D豬仔會中暑!
今日FB睇到兩段消息, 都係有關毛孩中暑, 一隻husky救唔到, 一隻poodle唔知是否脫離危險期, 豆b氣管咁差, 波波又唔舒服, 最理想都係留喺屋企歎冷氣!
iWand plus 介紹!
http://www.ipcgp.com/index.php/zh-tw/product-detail?page=iWand2
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
