 |
| 2013, 達達最爆毛的一年 |
今日冬至, 要做一件好有意義但自己好痛心嘅事…
阿女話我知有團體收集狗狗二手物品, 衫仔床仔玩具等等, 做慈善送比動物庇護中心, 當係今年聖𧩙禮物; 佢叫我執吓豆b同波波剩低嘅遺物, 達達有用唔著嘅都唔好再留, 最好係捐出去比狗狗, 今個聖誕有唔同玩具有啲新鮮感, 開開心心!
佢話要捐比獨立義工, 話佢哋無咁多人脈!
當然我願意捐出孖B嘅遺物, 遺愛人間我諗兩隻豬仔知道做呢件事都會開心, 祇係我好怕要我執拾, 唔係唔捨得嗰件物品, 但要割捨有關嘅連繫我會好傷心!
望住一大堆兩隻豬仔曽經擁有嘅衣物, 每一件都令我想起以前嘅片段, 嗰種心痛嘅感覺切切實實, 一路執一路眼涙狂流!
床仔因為阻地方, 之前已經送曬比人, 但我一定要留低一兩張, 等波波返屋企時有得瞓😊; 玩具之前都送咗一次, 所餘無幾, 我仲要留返幾件, 佢哋最鍾意嘅作為紀念品…
以為自己已經放下咗好多, 原來祇係避開唔諗, 今日摸住兩隻豬嘅遺物, 每一件玩具每一件衫, 都盛載住不同故事, 回憶起仍然係劇痛攻心; 豬仔仲在生時捐獻物品真係兩種唔同感受, 今日就要用手大力按住心口😭!
 |
| 呢幾個都唔捨得送走😖 |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
