生日夜喺阿女屋企同達豬影咗幾張相
預祝大家聖誕快樂!
其實周圍環境同氣氛都好難令人快樂, 新冠肺炎肆虐, 全球多個國家都受到蔓延, 已經咁長時間都未能遏止, 香港每日仍有新增個案, 各行各業都水深火熱, 栽員減薪比比皆是, 真係無一日安樂!
大圍因素已經好磨人, 自己亦唔見得開心, 要面對失去波波嘅第一個聖誕, 點會快樂? 早前帶達達出去, 見到樓下大堂已經佈置好聖誕裝飾, 即刻想起波波, 想起以前必定同佢哋出去影聖誕相, 好有興緻咁張羅!
今年.....聖誕裝飾就喺身邊, 我選擇忽視, 完全唔想望仲抱住達達急急腳離開!
無預料到無咗波波會影響我咁多, 每刻都會聯想到佢, 乖仔真係無處不在......
收拾好心情好好照顧達達豬, 呢隻惡女非常自我, 常常拒人於千里之外, 希望比多啲耐心誘導, 佢表現可以改!
不過覺得佢腦退化方面真係好咗, 反應唔似有老年癡呆, 但視力就差咗好多, 白內障明顯嚴重咗, 要喺一定距離同光線先會睇到, 距離失明嘅日子估計唔會好耐, 側重於單邊加大咗一邊負擔, 拖垮無例外!
不過佢應該handle得好過波波, 循序漸進咁睇唔到比起波波突然失明好得多, 而且佢性格唔緊張, 比較硬淨, 希望到睇唔到嗰日佢過渡都無障礙!
唉! 都唔知點解會咁失敗, 又唔係無保養眼仔, 我唔知到底又有乜嘢做錯.....
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
