傳心師話毛孩通常唔太去記住唔開心嘅事, 佢哋嘅心好似天生就係設計嚟承載美麗事物, 佢哋祇在意於生活每一個當下, 享受開心嘅每個小細節!
毛孩教導咗我哋, 除咗夢想努力辛苦打拼, 喺過程中有好多嘅一眼瞬間, 剎那永恆, 都係值得我哋好好品嚐嘅生命階段!
對於照顧達達, 我依家會著重於取悅, 總之佢鍾意嘅我盡量滿足, 唔鍾意嘅就quit, 活到呢個年紀, 開心最緊要; 往日比佢嘅補充品, 即使對佢係好, 佢唔鍾意就唔要, 零食嘛, 佢要食就滿足, 即使正餐都要quit, 總知一切要佢開心行先!
唔再質疑自己照顧有否不足, 唔再諗從前, 唔太執著好定唔好呢方面, 當然有正常嘅底線!
最近天氣常變, 瞬間行雷閃電, 瞬間又熱到發癲, 呢種風雲驟變嘅天氣對達達身體係個挑戰, 我留意住佢有嘅變化, 會坐唔安瞓唔定兩頭轉, 間中仲會嚶嚶叫!
呢個時候我會放佢落氧氣箱, 做個吸氧治療, 佢反應好明顯, 可以安定入眠!
呢個時候我會放佢落氧氣箱, 做個吸氧治療, 佢反應好明顯, 可以安定入眠!
有朋友話咁會令佢依賴氧氣, 往日我會擔心, 但自從知道吸氧係好安全, 租用嘅制氧機度數唔會高到有中毒嘅危險, 咁我覺得佢依賴又點? 我keep住部氧氣機都係滿足佢嘅需要, 佢覺得舒服最緊要, 就算佢有生之年都要聞氧氣咁又點?
何況, 佢哋都好醒目, 無需要時根本唔會比你困住, 會一直呱呱叫, 幾時要入箱我已經好有經驗!
我發覺達達性格同行事方式有種滿不在乎嘅表現, 但對喜惡又好直接, 或者因為咁, 佢可以悠然自得活得自然, 亦因為咁我會識順應佢意思加以照料.
希望照顧達達方面, 我唔會再有遺憾, 對於佢自然老化嘅器官所有殘缺, 我會面對, 可以釋然!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
