生活看似平靜, 我就唔再多諗!
自從改變方針, 減去達達唔鍾意嘅supplement, 佢每餐都食得開開心心; 以前佢唔食我會手餵, 佢都合作肯吞, 但我細想, 如果佢鍾意食根本唔需要我手餵, 而佢只係順從我而吞, 咁點會食得開心?
雖然我好小心選擇去加添每一種補充品, 每種都具對佢有益處嘅功能, 但都活到一把年紀了, 我更希望佢未來嘅日子都活得開心, 而狗狗正常都看重食物, 如果增添佢唔鍾意嘅味道而導致佢唔享受, 咁為咗乜? 為咗佢健康? 為咗佢更長壽?
處理事情真係唔可以一概而論，不過我仍有保留佢唔抗拒嘅supplement, 總之大前題都係順應佢意思而行!
近來, 達達更多時間都係瞓, 都係一般老狗身體健康下滑中嘅機能, 見佢胃口幾好亦瞓得安穩, 其他嘅我都唔想諗!
其實佢少咗郁動, 眼仔睇唔清係其中一個原因, 腳仔唔太夠力亦係另一個可能, 但還幸做咗個簡單測試後, 有一隻眼仍可被光線穿透, 雖然都係有老化但仲未盡失功能; 腳仔嘛便便時佢又可以轉幾十個圈都唔會跌親😂!
好感恩達達感官仍好靈敏, 或者佢嘅表現硬朗, 無好似波波咁失去視力後一蹶不振, 我相對亦無咁揪心!
當然, 見到佢漸漸老去, 精靈BB都避唔開器官機能慢慢老化, 有時望住佢都難免傷心, 但每個生命週期都係咁, 同自己講盡量做好, 學習豁達接受命運!
順帶一提, 幾個上咗彩虹橋嘅寶貝, 經過我重做, 修改又修改後, 7小豬都化身為陶土公仔, 再返到家中陪伴我左右喇!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
