真係好怕達達無端端要去瞓波波張床仔, 尤其係打風嗰幾日, 佢一連兩日都嘔咗一次, 精神又差死死哋....
我又會擔心佢係都要典過去, 有無特殊意思😖?!
呢兩日天氣好轉佢又好似無咩事, 精神還可以, 不過就唔肯自己用碗架進食了, 要遞到埋口邊氹住!
唔使用針筒force feed, 祇係要專人服侍, 我好樂意!
唉, 公主呀公主, 奴才點服侍都願意, 唔該唔好三日兩日嚇我一次!
唉我點可能控制到天氣? 做得嘅環境管理已做足凖備, 睇住濕度高咗已立刻開抽濕機, 原來大氣壓變化影響咁大, 阿女嘅貓貓都嘔咗幾次😞!
臨近達達生日, 我又有忑忐不安嘅心情, 明知唔應該胡思亂想有負面思想, 但又控制唔到自己; 雖然我想法已經比往時嘅我改變咗好多, 但骨子裡仍係本性難移😨!
依家都無咩希冀, 但求公主心情好, 唔好多多事!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
