今日係豆b忌辰, 彈指之間豬豆已經離開咗5年, 真係唔敢相信時間過得快如風吹電閃!
到今日, 我開始會想起佢嘅古靈精怪, 會想起佢活潑開朗嘅一面, 會回想我哋相處時開心嘅片段, 再唔係祇會傷心不捨淚流滿面,睇嚟時間流逝, 的確會令人作出一啲改變!
不過, 睇到FB今日彈出5年前嘅今日, 呢個memory仍然令我眼濕濕眼眶發熱....
愛、不曾離開，永遠都在，一直都在！mp4 - 千千萬萬
有人話, 當想起從前嘅你會微笑, 就係已經放下執念, 我要再過幾耐, 想起波波時都會有放下自在呢一天?
豆b你可唔可以答應媽媽, 將波波好好照料? 你性格同細佬好大分別, 你永遠勇敢一馬當先, 而佢從細都係個緊張大少!
 |
仍然堅持住每日出去行一轉, 獨自一個人行返從前嘅路, 仍然滿滿失落, 總係不由自主會想從前!
唯有嘗試帶住波波同豆b嘅掛飾緊貼身邊做阿Q, 催眠自己佢哋仲陪喺我身邊, 感覺好少少！
 |
|
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
