 |
| 8個陶土公仔, 祇有達達可以同個公仔影張合照 |
呢一年來, 達達明顯各方面都表現差咗, 心理上應該係波波嘅離開, 佢失去良伴感情上有失落, 生理上應該係年紀大咗器官退化, 氣力不比從前; 雖然無見到有具體病徵, 胃口還算OK, 但吸收方面大不如前, 我感覺佢呢一年真係老咗好多了!
好明白一切都唔可能相比從前, 亦唔可以同其他毛孩做比較, 行到今日我只祈求一切依循住正常生理軌跡去行, 平靜老去, 道路平坦!
無咗波波陪伴佢一定比以前寂寞, 依家唯有叫阿女多啲帶貓貓過嚟有啲互動, 總好過整日瞓覺; 隻貓b大得好快, 6個月大已經3kg, 重過達達一倍啦, 之前阿女嘅貓貓有痾嘔, 為怕傳染BB, 都暫托咗比我一段時間, 達達同佢好熟絡喇.
阿女幫朋友湊咗近3個月, 朋又仲未回港未可以接返!
呢一年來, 自己宅喺屋企近乎拒絕外出, 對住啲零食不斷增磅好傷健康, 都係要扚起心乾出去行吓喇!
決定每日出去行一轉, 本來應該帶同達達互相作伴, 但波波離開後試過幾次同佢出去, 佢都有緊張嘅表現, 返到屋企都有啲喘, 好怕影響佢心臟, 唔想勉強, 睇睇情況再算!
想當年都係波波同豆b鍾意出街, 達達好敷衍, 出去都鍾意挨喺波波身邊, 依家剩返佢一個感覺佢情緒有改變, 唔想出去就算!
 |
| 豆b好似做咗電燈膽了 |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
