心情極差, 冷靜咗一日將思緒整理, 先可以好好咁講件事!
其實, 唔可以話我全無心理準備, 呢個結果我都預咗可能要面對, 但我無得揀, 迫住去!
波波爛牙洗牙問題, 我一直逃避要麻醉, 固然擔心麻醉風險, 有機會醒唔返嚟, 亦擔心麻醉插喉導致氣管出事, 幸運過渡到都擔心後遺症問題; 有朋友狗狗麻醉後變咗長期抽筋, 係一個負面嘅例子; 當然, 我更顧慮麻醉藥傷腎, 佢有蛋白尿底子, 呢個擔心唔係多餘!
更何況我有睇過以下條link嘅提示!
但我無得揀, 牙痛唔可以唔理, 佢痛到牙關打震用手猛撥口仔, 我無得再逃避, 明知擔住咁大風險, 要賭博都硬要押落去!
http://www.mobile01.com/topicdetail.php?f=290&t=3516511&p=1
當日洗完牙返屋企, 佢表現最正氣, 完全無見到因為脫咗牙仔口痛唔食, 亦未開始有氣管問題, 仲以為今後可以安樂一段日子!
點知接住就氣管出事, 又攪咗一輪先可以穩定番D, 接住就見佢胃口問題喇; 點解時間耐咗牙肉好返, 反而對食物無興趣?
當然心中有數, 係個腎有問題!
星期一再幫佢驗UPC, 今日結果出嚟, 差咗好多, 見到個報告欲哭無淚!
當然西醫係建議開西藥幫佢, 但我仍未死心, 仍未想行呢一步住, 我過往嘅經驗, 都係顧此失彼, 拖慮其他器官一步步衰退!
仍希望再作其他嘗試, 到咗無得揀先迫住去😞!
週末會帶波波見一位整全療法醫生, 醫生係註冊獸醫, 但有提供其他整全治療, 包括針灸, 艾灸, 中西草藥, 臼井靈氣, 花藥,順勢療法, 食療建議等等!
我希望盡我最大能力去幫波波, 等佢行到一條較平坦嘅路, 佢真係受唔到西藥個副作用, 我唯有盡地一煲去試試!
但願醫生可以為波波計劃一個治療方案, 我會盡量配合去做; 眼淚流過, 情緒低落調整好, 我會陪波波並肩同步!
可能呢個係上天指派比我嘅任務, 要我將佢哋好好照顧!
豆b,你喺天上要保佑細佬!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
