 |
| 相片連結 |
大年初一, 波波達達同大家拜年先, 祝各位哥哥姐姐姨姨叔叔身體健康, 呢樣最緊要, 任何時間嘅祝願, 呢個真係唔可以少, 健康點止係財富咁少, 簡直係一切幸福快樂嘅泉源!
然後, 但願所有唔如意隨住猴年過去, 我哋只希望平安踏實咁過每一日, 一家齊齊整整平靜咁過生活, 希望天從人願!
猴年太多唔開心, 攪到乜都提唔起興趣, 又有新嘅領悟, 原來即使係幾無聊嘅事, 只要自己做得開心, 就一切隨心而行, 反正唔想做時叫你做都無可能😉!
琴日同兩隻豬落樓下行大運, 喺屋苑週圍行咗一陣, 影咗D雞年過節相; 屋企嘛, 就無心情再攪大龍鳳喇, 要再set佈景已經無咗嗰種興奮!
今年無為兩隻豬訂購應節食物, 亦無做任何過節食品, 波波胃口好飄忽, 我盡量簡單為原則, 只願佢肯食就得!
早兩日收到林醫生為波波揀選調配嘅花精, 用咗後好似情緒係無咁繃緊, 有好嘅改善, 感覺佢無眼仔瞪到大一大, 成日處於緊張狀態喇; 呢個仔真係夭心, 攪到我好擔心!
過年後約咗Ka嘅老師為佢做靈氣治療, 亦會約整體醫生覆診, 我希望reiki可以快D幫到佢恢復胃口, 而中藥調理就預咗係長線護脾腎!靈氣治療呢樣嘢好似好奇特, 最近睇多咗相關資料, 又比我多咗信心, 希望波波經過老師幫助, 會除去身邊blocked咗嘅障礙, 接收到正能量, 健康各方面會得到平衡!
 |
| 靈氣療法是真的, 証據出現了 http://hssszn.com/archives/21776 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
