前兩日, 喺fb上分別見到兩位網友, 話喺嗰日特別想念過咗身嘅狗狗; 好巧合我嘅感覺都一樣, 前日我都特別想念豬豆, 仲發夢見到佢同我嘅媽媽喺一齊, 佢跳來跳去好反斗😜!
咁耐以來, 呢次係我第一次喺夢中見到過世嘅狗狗, 仲好奇特見到佢同我媽媽一齊生活, 理應之前佢哋未見過面, 豆b到來我家時我媽媽已走…但夢中嘅佢哋, 生活喺一齊開心樂悠悠😊!
俗語話日有所思夜有所夢, 但我從來無將佢哋拉埋一齊去諗, 可能豆b想話我知佢同婆婆已經相認, 仲一齊生活, 叫我唔使再牽掛擔心😄!
瞓醒後個心溫暖又充實, 但願豆b同婆婆一齊開心生活, 互相安慰心靈豐裕無缺失!
心情平靜就會諗吓做小手功, 太複雜嘅傷神, 未有信心可以做得好, 就做個小彩虹點綴吓羊毛氈五寶, 再做舊白雲比個小天使站立喺佢哋當中😊!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
