 |
| 相片連結 |
兩隻豬仔琴日又浸浴, 相隔十日唔使用shampoo, 做少呢樣我最舒服😄, 有咗個烘毛機幫助, 我同兩隻豬沖涼吹毛, 大家都好輕鬆!
全個沖涼過程大概一個半鐘就攪妥, 仲要係兩隻一齊一take過, 呢部烘毛機用於小型犬我極推崇😁👍！
近來兩隻豬身體狀況算係平和, 波波情緒比之前好好多, 我真係唔知係咪紫色色光咁有幫助, 但事實佢係樣樣都合作咗!
日常治療保養我見得最清楚, 佢以前邊會咁忍耐, 頭半段時間尚可, 尾段實走開囉!
琴晚照紅外缐燈, 幫佢戴咗個墨鏡作保護, 個鏡係完全唔透光 等同盲咗; 突然黑漆一片被朦住眼, 佢應該會好唔安樂, 但感覺到我喺旁邊, 仲一直同佢傾講, 佢無用手猛撥走眼鏡, 都好合作!
之前同佢哋照呢個燈, 我要手持毛巾, 隨住佢個頭仔郁動配合, 要遮擋住呢種強光, 唔可以比眼仔接觸受創傷; 達達就一定唔會兩頭望, 每次都伏低瞓覺, 佢唔需要呢個眼鏡遮光; 不過呢個惡女亦唔會合作, 琴晚想幫佢試戴, 比佢一手打走仲尖叫, 真係惡得悽涼😂!
 |
| 以前要蓋條毛巾, 坐高就要用手跟住個頭仔擺動 |
達達同波波好似行為掉轉咗, 波波越來越乖, 做reiki同做 focus healing正骨都坐定定, 連阿女都大讚佢乖仔; 其他艾灸、場效應同色光保養亦無郁唔停; 相反達達一反常態, 所有保養都抗拒, 左閃右避實在唔明?
點解以前佢係最合作最聽話, 依家就唔肯坐定?
其實性格轉變我係有D擔心㗎, 不過達達被診斷為輕微腦退化, 應該係因為咁會影響到佢脾性!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
