又係時候幫兩隻豬轉吓關節supplement喇, 都係想搵D天然產品, 呢隻關節補充品有唔錯嘅評價, 朋友狗狗用過又讚不絕口, 咁一定要試吓用!
產品係細細粒嘅丸狀, 波波食得好好, 完全無難度, 達達就吞唔到喇; 咁情況下我一貫做法都係將粒丸磨粉撈肉, 點知今次行唔通😖!
呢隻產品成份係用青口同鮑魚, 或者係用料問題, 磨粉後氣味頗濃; 當我磨粉後撈落D肉比達達, 佢完全拒絕食用😩....
達達以前都有食過青口素, 佢唔肯食我係完全估唔到....
 |
| http://www.4cytevet.com/4cyte-canine/product-benefits-canine |
正如我之前所講, 隻產品幾好都無用, 最重要係餵得到, 我唔會硬塞落佢哋口仔咁陰功啦!
琴晚餵波波食補腎嘅supplement, 先諗到可以一樣咁做, 真係蠢!
波波食補腎嘅supplement, 我會拆開capsule, 混和少量番薯整成小丸子咁比佢食用, 佢會當係零食好開心食落肚; 今日我將關節丸同樣咁做, 當我遞比達達...bingo!!
養小狗真係好似養個小朋友, 費少D心力都做唔成功😂!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
