今日係波波離開咗四個月喇, 祇要我一想起佢, 想抱抱佢但再抱唔到, 就感覺好心痛!
早幾日同阿女閒談, 我話點解我只係聽到波波嘅叫聲, 其他咁多個毛寶寶嘅聲音我從來無聽到?
阿女話因為我最鍚波波!
不論我係因為思念而產生嘅幻覺也好, 或者係波波返咗嚟也好, 原因都祇因為波波係我心頭肉, 我一直最鍚佢視佢如珍寶; 如果相信前世今生, 靈魂腦電波, 迷信或科學, 都可以解讀為因為我咁錫波波, 有可能佢接收到訊息, 佢都會牽掛我, 特別返嚟同我溝通, 只係同我溝通啊.....
我問 - 你真係感覺到我最鍚波波?
阿女話認識我嘅人都一定感覺到, 我對波波同對待其他狗狗真係有唔同, 唔係話待遇有不公嗰種, 係講唔出嘅一種契合, 自然而然產生喺我哋當中, 佢嘅表情動作我都讀懂, 我哋都會明白大家每一個舉動!
原來喺第三者眼中, 都真係睇到我同波波日常生活中, 唔需要有言語就可以溝通, 難道真係如Ka同乖仔傳心時咁講, 我哋緣份深厚, 前世已結緣, 今世再相聚, 仲有來生可以再重逢?mp4 - 醒不來的夢
早幾日, 偶然喺FB見到有呢段發表, 真係五味雜陳; 自問照顧幾隻豬仔亦有付出100%嘅努力, 但結果都係唔可以扭轉命運, 就如文中所講, 算係有一個圓滿嘅認命吧, 再不盡人意都只可以叫自己放寬心，接受上天指派嘅種種!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
