 |
| 中秋節快樂! |
又到中秋節, 達達祝大家月圓, 人圓, 事事圓滿; 人緣, 福緣, 緣緣不斷!
今年, 阿女拎咗盒朋友送嘅限量版月餅返嚟, 特別在係SPCA一百週年紀念, 同tama and friends聯乘系列, 個設計好靚, 咁就同達豬影返張相留念!
然後, 自然想到對twins, 但我要正面咁去想, 無咗你哋喺身邊, 天上嘅月亮依然皎潔, 因為你哋一直喺我心裡面🥰!
睇到幾句詞, 感覺好暖.....
"明月, 一閃一閃, 掛天邊; 思念, 一絲一絲, 連成線; 回憶, 一幕一幕, 在眼前; 但願, 一年一年, 人圓全."
自從幾年前豆b走咗, 屋企已經比較靜, 因為一直都係豆b呢個古靈精, 搞古搞怪無時停; 不過波波達達一向好感情, 即使無咗豆b佢哋仍可互相陪伴, 而且從細佢哋都係相依為命, 雖然年紀大咗脾氣差咗, 會不時鬥嘴, 但骨子裡仍係好好感情; 舊年波波走埋, 當然對達達係重力一擊!
雖然達達唔識講, 但佢變得好靜, 除咗有偶然表達不滿, 有唔耐煩時會叫得大聲, 其他時間, 食同瞓就係佢日常作息; 一直都係習慣群體生活, 依家剩返佢一個, 又的確係孤伶伶!
還好阿女不時帶貓貓過嚟, 佢都無唔歡迎, 都有啲積極反應.
阿女話佢嘅貓貓對同類未必歡迎, 但對狗狗又好淡定, 達豬都係對同類戒心較大, 對貓貓又頗歡迎!
 |
| 超可愛4個月大嘅BB女, 1.8kg仲重過達達😄 |
早前阿女帶朋友嘅貓BB到訪, BB唔識性, 見達達休息行埋去拍佢邀玩, 惡女都無嬲嘅反應😅; 依家我最期待貓貓過嚟同佢玩吓😊, 同佢有啲互動, 等佢唔好成日木無表情!
 |
| 達達話"玩時玩, 咪整亂我D頭髮!" |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
