近期FB上見好多毛孩往生, 身邊認識嘅都有狗狗往彩虹橋上走喇; 仲有好朋友狗狗因氣管下塌問題要住院, 會唔會因為天氣轉變, 心肺呼吸以及其他病源誘發?
無論咩原因啦, 呢一切總令人心情差, 自己養緊3隻麻煩豬仔, 就會諗東諗西將唔好嘅去對號入坐喇!
事實呢排波波氣管都唔好, 雖然唔係咳嗽持續, 呢種情況亦唔係過往無遇到, 但碰啱朋友狗狗嘅例子, 感覺就有D擔心啦!
仲有呢隻豬仔最近胃口都唔多好, 每次開餐都要萬般討好, 除咗照顧隻豬豆, 仲要多重兼顧!
感覺呢對twins都有attention seeking狀況, 豆b完全唔肯自己開動, 每次我放低3份餐, 3隻豬反應同以往都唔同!
達達就好快行過去'埋頭苦幹', 完全樂在其中; 波波呢, 最近都動作緩慢, 總係望住我唔肯乖乖開動, 當我ignore佢時就祇好死死氣行埋去, 好唔開心我對佢無動於中; 豆b嘛, 完全無視佢份餐, 氣定神閒照瞓覺 :(
當波波達達食完我去收拾碗筷, 佢就立時跑過嚟企喺我面前, 提醒我到佢開餐, 好似話"到我喇, 餵我啦 ...."
似乎手餵呢隻豬已經成咗習慣 :(
照顧佢哋physically嘅需要已經好攰喇, 如果mentally都要咁攪真係慘, 唉, 呢幾隻豬仔可唔可以唔好咁作反 :'(
請Ka幫忙同波波傳心傾吓, 希望瞭解佢係身體有唔舒服定係唔開心啦; 豆b嘛, 身體當然差, 不過每餐手餵總算營養有吸收, 體重算OK喇; 但要餵食專門侍候, 還是胃口太差, 我相信爭寵呢樣佔30%, 都比少佢喇!
呢期達達最爭氣, 小器豬唔講佢喇 :)
