 |
| 相片連結 |
今日同 3隻豬仔慶祝10歲生日, 唯一嘅希望...都唔敢太大想頭喇, 但願佢哋身體keep得好D啦!
雖然近日真係好忙好攰, 實在無咩心情做呢類大project喇, 但佢哋踏入雙位數換字頭, 係大生日, 點都要為佢哋整返少少點心 :)
OK, let's cheer up!!
今年為佢哋選擇蛋糕用料較小心, 要豆b食得嘛, 經過再三揀選下, 我為佢哋訂咗一個好特別嘅材料, 用咗有天然藍色嘅蝶豆花汁!
今年嘅生日蛋糕係蝶豆花薯蓉cream cheese蛋糕, 希望3隻豬仔鍾意啦!
蝶豆花生長於東南亞, 有天然嘅藍色染料, 無論做飲品食物, 顏色都好靚啊!
蝶豆花含有比一般植物高10倍嘅花青素, 有抗氧化功效, 維持眼睛健康, 促進血液循環!
下面嘅連結有較詳細嘅描述, 有興趣可以睇吓 :)
神奇的藍藥水 - 蝶豆花
越來越難將3隻豬仔放埋一齊影相喇, 都唔知做咩狗咬狗骨, 今日達達最惡, 邊個坐埋身邊都鬧, 嚇到對twins雞飛狗走 :(
 |
| 咁醜樣唔好著衫喇! |
算喇原意都係玩埋今年嘅10歲生日, 今後唔再做大project喇, 將時間留返照顧呢3隻"老"友, 要影相都係影吓生活相, 自然D無咁拘謹!
 |
| 1-10, 做咗10年大project, 以後做小薯仔好喇 :) |
