近來豆b夜晚間中會喺自己嘅床仔尿尿, 呢個情況已經多年無見, 除咗初初接手養佢時未教識VV要定點, 咁多年呢種情況已不復見, 佢大小二便都一定會識去尿片!
每次早晨抱起佢嘅時候, 一摸到佢毛毛又濕濕, 個心就好罨, 當然此時此刻唔會再責備佢唔守規則, 唯有默點用暖水幫佢抹身, 但不免心情直往下沈!
情況時好時壞, 心情大上大落似坐過山車咁其實好難受, 照顧呢個有病嘅小朋友其實真係頗勞累, 但'愛' 唔係於順境時拋兩粒小食, 而係有所承擔於困難時候, 我發覺原來我好錫呢粒豆!
越多見到呢D異常狀況, 越明白豆b健康正往下滑落, 任我幾唔願意接受, 拼盡全力同病魔博鬥, 都係救唔到粒豬豆; 只好退而求其次, 望老天比豆豆餘下嘅毎一日都生活得舒服開心; 如果到時候要佢走, 我一定放手, 只要無痛苦再別無所求!
近來感覺自己情緒好繃緊, 3隻豬些微改變都會心驚肉跳, 呢個唔係健康嘅徵兆; 我以為自己已經有所改變, 對生老病死接受得比以前自然, 但原來都係咁糾結😒
性格真係難改變, 勉強亦徒然！
