 |
| 相片連結 |
年初五, 仲偶爾聽到街外傳來舞獅嘅鑼鼓聲😊!
幾日新年假期完結, 一切回服正常!
雖然我無返工, 但假期仍對我有影響, 事關工人姐姐放假唔喺度, 無咗佢做嘢嘅響聲, 屋企份外寧靜!
年尾忙咗一輪, 正好趁假期好好休息, 呢幾日攬住兩隻豬, 可以好好咁瞓個晏覺, 已經好耐無享受午睡, 我瞓覺需要環境極安靜!
跟住嚟嘅日子又會忙D, 姐姐從加返港, 會出去多D, 又要開始計劃波波嘅療程!
花藥對波波情緒好似有輕微改善, 佢對達達嘅無理取鬧可以忽視, 呢個刃蠻公主依家好大脾氣, 無端端都會閙鬼佢😅; 達達每逢冬季脾氣都差D, 我覺得係佢嘅荷爾蒙影響咗佢, 踏入冬天佢毛毛都旱D無晒生氣😞!
用咗花藥波波係較爲容忍無去反擊, 由得個公主惡死好少理, 花藥可以有幾成幫助我已經滿意到極; 唯一爭寵呢樣就無得傾, 衹要有我夾喺佢哋中間, 達達望吓我佢都會跳起衝過去作勢襲撃!
雖然係有姿勢無實際, 但都唔想將呢種不良習慣做成, 已經知道佢想獨佔媽媽, 有被搶奪嘅壓力, 針對呢個情況加咗適合配方嘅花精; 但呢個仔好似有金剛𦋐護身, 有極強嘅反彈能力😰！
既然波波咁難攪, 嘗試從達達方面著力, 希望佢改善到D臭脾氣, 同波波相處可以較和平!
突然諗起, 以前達達出街唔敢行, 都係靠花藥幫佢建立信心, 成功為佢減壓力; 達達對各方面接受度都較好, 何妨請醫生試試為佢調較樽custom made花精; 希望佢用咗會釋放到D負能量出嚟, 情緒會較平靜!
完全唔知呢對曾經相親相愛嘅小倆口發生過乜事, 點解會變到成日鬥嘴咁氣激!?
波波嘅中藥已經快服完, 已經約咗林醫生覆診, 再幫佢做多次reiki, 然後繼續服用中藥調理, 不過過年後醫生好忙要排期; 然後再過多3日就見Ka嘅老師, 喺靈氣治療呢方面, 佢係更資深嘅治療師!
希望佢好似武俠小說中嘅武林高手, 可以打通波波嘅經脈, 將糾纏住波波嘅障礙物移平😂!
但願老師可以幫到波波, 等佢可以將有利於佢嘅治療吸收, 身體咁排斥乜都抗拒, 任你比咩治療去幫都無能為力啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
