 |
| 相片連結 |
觀察住達達, 完全無異樣, 食得瞓得, 我叫自己唔好自找麻煩喇, 或者...希望...佢真係發惡夢所以大叫啦!
一直都有幫佢做reiki, 阿女比我問到怕, 佢話feel唔到達達有大件事, 或者係學藝未精啦, 佢話我咁緊張係咁問, 佢壓力好大啊😓!
阿女已考取咗reiki初階證書, 已踏入中階, 佢話其實理論唔難, 但要捉啱感覺, 唔知自己做得正唔正確; 佢話同狗狗做攞唔到feedback, 同我做都一樣無用, 我感覺唔強, 不過佢會幫朋友做, 好多朋友等緊佢啦, 哈哈...
希望佢搵D唔好學我咁遲鈍嘅就好喇😉!
佢都有信心做得到嘅, 起碼佢感受到收放嘅能量, 但就叫我唔好猛催佢咁急進啦😝!
講起心急, 我又真係唔認都唔得....
因為兩隻豬瞓網床, 佢哋唔係自由行, 如果半夜尿濕真係煩死人!
我一直都有搵適合嘅鋪床物料, 雖然有鋪嬰兒尿墊, 但只可保住唔過底, 萬一尿咗個面都係濕立立😩...
波波比較有規律, 瞓前叫咗佢去尿尿, 佢會大覺瞓, 直到早餐放佢出去, 我根本唔使擔心; 但達達...真係頭痕, 我試過太眼瞓, 達達叫我無立即彈起身, 咁達達就唔會忍喇, 所以每晚我都要放張尿片入網床先敢瞓!
又唔想佢哋瞓喺尿片上面, 一直搵, 睇吓有咩鋪床物品, VV咗面料都唔濕, 直到搵到呢個好物, 可以比兩隻豬瞓...Petlife vetbed, 諗住過幾日去寵物展搵!
Petlife Non-slip Vetbed® 以人造纖維單紗紡織法織製而成，底層則加上防滑橡膠層。與Original Vetbed® 一樣具有保溫、疏水、疏氣、預防褥瘡，易洗快乾的功能
上年無去寵物展, 一來豆b唔舒服, 叫我出去點放心; 二來寵物展比我感覺大不如前, 對我無咩吸引; 但今年我有目標物品, 所以早作安排, 叫咗老公攞假睇住兩隻豬仔, 交低比工人姐姐我一定唔放心啦!
不過自己擺咗烏龍, 一直以為今次寵物展有售, 當我知道無呢個參展商後就梗係唔等啦, 要即刻買到手, 其實真係太心急 😂!
張vetbed 毛神神, 就算開大冷氣我都感覺會熱暈, 今個夏天應該未用得到喇, 但聽聞話D料係冬暖夏涼, 我就不大信任; 先試疏水效果, 倒咗一杯水落去摸摸, 即摸未係咁快透到落底, 都要等大概2分鐘左右, 乾爽度無100%但都一定唔會濕身, 如果VV完識行開唔原地即瞓, 咁就meet 晒我嘅requirement, 即使暫時未用到, 今個冬天用時都一定好到震😄!
張vetbed清洗完好快就晾乾, 放兩隻豬仔落去試吓, 應該好舒服, 兩隻豬嘅表情話我知, 佢哋好鍾意, 可能承托力平均👍!
開住冷氣, 摸落真係唔熱, 就比佢哋試吓瞓一陣😌!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
