 |
| 相片連結 |
呢幾日天氣都唔好, 仲掛過8號風球, 望向街外橫風橫雨, 烏雲滿佈; 但天氣咁差竟對我心情絲毫無損, 皆因兩隻豬仔近日算係幾好; 雖然兩隻豬都有扭計唔肯食, 但氹吓鍚吓加D料, 都肯乖乖呑落肚, 我就當自己做得好好, 何防做吓阿Q, 事實緊張憂慮都於事無補!
我都知自己太緊張, 都知道應該將情緒調較好, 越緊張失控就越論盡, 雖然進步唔會係一朝一夕做得到, 但我都嘗試盡力去做好!
 |
| 原文連結 |
最近又睇咗篇文章, 講及狗狗性格似足主人, 雖然係老生常談, 我聽過嘅次數都計唔到, 但既然有咁多證據, 我...盡量試吓做; 或者自己真係做到少少, 又或者朋友借嘅針灸筆有用, 紫色光波對波波好似有正面作用, 佢最近幾輕鬆😊!
達達仍然有做腳仔運動, 減為每星期游水一次, 但就加咗時, 見佢係泳池仔都表情OK, 就順住佢意; 之前有試過聽意見, 話泳池仔太細, 佢團團咁轉唔係好事, 試吓放佢落浴缸, 以為範圍大D, 點知嚇到佢死; 見到佢呼吸急促, 大力打水, 游到反艇, 全程唔可以放開手要hold住, 嚇到佢咁驚, 大範圍又有乜意思?
所以做事真係唔可以睇一本天書, 要跟個別反應去adjusted!
 |
| video: 游浴缸 |
好享受呢種平靜嘅日子, 日中如常做各種保養, 晚上就阿女幫佢哋做reiki; 兩隻豬仍然有用順勢療法, 波波一貫加上林醫生開嘅中藥粉, 而達達就加李醫生處方嘅補腦藥物, 感恩(touch wood)目前身體算係無大件事啦🙏!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
