 |
| 兩個一齊都夠位, 下次一齊焗 相片連結 |
今日寫呢篇, 好似幫人賣廣告, 不過我無一個仙嘅酬勞㗎; 實在覺得好, 分享比有毛孩嘅家長, 如果有多過一隻就更抵用!
以前同3隻豬沖涼吹毛, 第二日都一定會腰酸背痛, 豆b走後功夫係少咗, 但我又察覺到波波達達年紀大咗, 每次做完沖涼吹毛佢哋都攰到死, 其實好心痛!
寵物展訂購嘅烘毛機琴日送到, 即晚清潔好, 今日即用😄!
呢部機有D配套, 寵物展銷時工作人員都講過吓點用, 免咗我自己摸索, 用起上嚟方便好多; 不過當日我有試過部機嘅熱力風力, 但今日開機, 覺得好細風, 有D擔心風力咁細要吹到天荒地老!
今日波波做先鋒, 反正達達一定肯用😊!
先比波波浸浴, 差不多時間就預熱部機, 然後盡可能抹乾毛毛再入去烘; 部機有氧氣磚同香薰配套, 今日第一次唔攪咁多我無去用, 但自己都放咗氧氣喉入去, 佢哋應該會舒服.
 |
| 打開影吓兩邊充咗氣出風 |
波波入籠無抗拒, 事實真係唔熱又細風, 寵物展當日D員工有比我tips, 話吹雙層毛嘅狗狗, 最好先烘15分鐘, 出來將毛梳鬆再入去烘, 全程30分鐘應該完工!
當關上籠時波波係有D緊張, 兩頭擰望住個籠, 但我全程陪喺佢身邊, 佢無太激動; 不過佢都坐直無爬低, 其實咁仲好, 有空氣流動位吹乾個肚!
 |
| 頭15分鐘後乾咗70% |
15分鐘後放波波出嚟, 已經乾咗70%, 我諗呢部機一定有D特別原理計算過, 用咁溫和嘅熱力風力可以做到效果; 梳鬆毛毛再放返波波入去, 15分鐘後已經乾透, 除咗耳仔位同腳掌仔, 要出嚟手動補吹, 不過用咗配件嘅負離子梳, 又好快攪掂喎, 全個沖涼過程一個鐘都唔使, 以前未試過👍!
一來佢毛質羊毛化無乾得咁快, 二來佢毛毛亦比波波厚啦, 最重要一點, 係佢爬低咗大覺瞓嘛, 肚仔相對乾得較差.
不過梳鬆毛毛放返佢入去, 佢都係瞓覺, 由得佢停留耐D都無所謂喇!
仍然出嚟要執執手尾, 用負離子梳配合個風機, 加咗集風嘴都做得好快!
 |
| 梳鬆毛毛再入去 |
雖然都要人手加工, 但真係好用, 最重要方便到大人同細路哥嘛😉!
沖完涼兩隻豬都無特別攰仲好開胃, 以後沖涼真係舒服好多喇😝~~
Link : Vuum 智能寵物自動風乾箱
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
