達達食咗幾日"藻心沛"後, 我已經對呢隻心臟補健品有信心, 當然最重要係無見到出現過不良反應, 仲感覺達達踏步比以往穩(希望唔係我心理作用啦), 少見咗後腳震騰騰!
今次一次過買10盒, 因為要就時間搭單, 仲要就埋人哋返港時間, 所以時間上比較急!
我唔敢網上購買, 生產商強調貨品只供應動物醫院, 從來無供應於其他平台上, 網上售賣嘅唔係佢哋嘅產品, 充斥於市面嘅唔排除有假貨嘅可能!
雖然呢D唔係救命藥, 食咗可能都無害, 但如果無預期效果, 浪費咗金錢還可, 延誤咗時間去幫助仲擔心; 而且網上見到嘅價錢同醫院嘅相差又太大, 咁平更加對係咪正貨有疑問!
其實香港有幾間獸醫診所都有出售, 問過兩間都要帶狗狗去見醫生, 呢D屬天然成份嘅補健品, 又唔係咩特別處方藥物嘛, 所以今次可以搭單台灣直購, 買多少少免勞神, 食完之後視乎情況先再諗!
達達情況唔算太壞, 應該食用3個月左右就會見到分別, 我唔敢貪心短期間有好卓越效果, 但求個心仔情況穩定落嚟就好感恩!
今次懷住好大期望, 達達心仔會夾呢隻補健品, 我要有正念, 有信心💪💪💪!
心臟疾病連結: 營養輔療可改善症狀
Asian Journal of Animal and Veterinary Advances
Chih-Hung Tsai,
Phan Nam
and Yen -Chang Lin
Link: Fucoidan and Fucoxanthin Ameliorate Cardiac Function of Aging Canine
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
