 |
| 相片連結 |
已經11月中, 按過往紀錄, 達達毛髮應該已變差, 但今年一反常態, 連一般脫毛症最先遭殃嘅後腳都無甩毛, 毛根又無黑晒; 唔使話我開心得太快, 我祇係覺得奇怪, 呢隻豬仔唔按常理出牌, 尤如佢嘅脾氣, 好難捉摸, 時好時壞, 古古怪怪!
 |
| 從唔同角度睇都唔差喎! |
其實達達依家嘅健康情況, 我已經無暇關注佢毛髮生長狀態, 但見到佢毛毛無變差, 仲好似比之前柔軟光滑, 我開心㗎, 開心係毛髮都可以反映到佢身體無一路變壞; 我唔敢講佢健康有改善, 怕呢隻豬小器嘛, 話媽媽八卦都係咁話😜!
時間真係過得好快, 上次見Dr. Fung聽診佢有心雜音, 已經有半年喇, 呢段期間, 除咗同澳洲順勢療師溝通, 為佢打做customized remedies, 亦不停搵資料, 希望可以從保健方面著手, 令佢心臟惡化速度拖慢; 可能新加入嘅補健品選得啱, 佢健康似有少少進步, 不過心臟病呢種issue, 係可以突然走下坡, 心仔差咗係無回頭路😖!
我會為佢努力, 用心照顧, 喺能力範圍下我盡力做好, 祇求佢食得好瞓得到, 路路暢通身心舒服, 行到呢步, 我就縱容佢萬般討好, 無對錯嘅尺度😏!
 |
| video 都唔係時時唔使餵, 肯自己食咁乖㗎! |
佢鍾意去街就同佢去街, 佢要上大床瞓覺就比佢晚晚同我一齊瞓覺, 就當佢老佛爺咁侍奉, 希望佢保持心境平靜, 唔想加重佢心臟負擔; 不過呢個刁蠻公主要佢滿意都好難, 無端端都會激動搵人鬧, 都無辦法😅!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
