 |
| 相片連結 |
最近FB網上群組, 彈出好多不同狗狗健康issue, 問題複雜到我估唔到, 但慶幸毛孩父母都盡心照顧!
雖然我嘅豬仔健康都唔好, 都有長期病, 心肺肝腎都要好好保護, 但感恩到目前為止, 我仲可以handled🙏!
但願老天會比機會我繼續將佢哋好好照顧, 我唔怕辛苦, 點辛苦我都可以做, 只求有空間比我努力, 但願佢哋每日都生活得有質素!
天氣乍寒乍熱, 時而潮濕時而乾燥, 認識嘅毛孩有幾個都病倒, 呢種天氣對年老毛孩健康係大挑戰, 兩隻豬仔都要小心D看顧, 達達嘅心肺功能, 波波嘅氣管關節都要多加保護😣; 人力當然無法將天氣改變, 唯有盡量將室內溫度調節好!
每日都會同兩隻豬講媽媽鍚到佢哋燶, 媽媽會盡能力將佢哋好好保護, 亦會同佢哋講對唔住媽媽照顧得唔好, 如果我警覺夠高, 可能有另一個更好嘅局面會見到, 有十萬個如果常出現喺個腦!
但遺憾無時光隧道, 已無回頭路 ...
兩隻豬仔用咗manuka honey係幫到呼吸道, 但波波都仲係有兩聲咳, 但有舒緩到; 達達鼻水同乞嚏係少咗, 但唔及用中藥'養氣'功效咁高, 不過我都屬意用天然食材去幫最好, 勝過誘發出佢抽筋風險高; 目前仲有少少鼻水, 面仔無濕晒, 已經比從前有好大進步!
最近詳細睇咗台灣心臟補健品'藻心沛' 嘅報導, 亦同生產商emailed聯絡過, 有好大期望對達達心仔會幫到; 佢已經食咗4日, 無見到不良副作用, 希望得到預期效果, 達達心仔問題可以修復!
睇咗一篇Dr.Becker心臟瓣膜病變嘅討論, 佢都同意用補健品及早做保護係最好!
Link: How Mitral valve-disease Develops
繼續同兩隻豬仔出外, 比佢哋適當感觀刺激, 對佢哋胃口有頗明顯幫助, 每次盡興而返, 兩隻豬仔都食得好咗, 瞓都瞓得熟睡好多😉!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
