真係好難過, 朋友嘅狗狗今晚離開咗, 4個月內兩隻狗狗先後離開, 真係唔敢想像有幾痛楚!
一個月前先確診有腫瘤, 轉眼已經走到盡頭, 從正面去睇, 狗狗唔使再受苦, 唔使拖住病體受折磨, 都係一種解脫, 祝願佢喺彩虹橋上嘅生活比以前更美好!
講...個個都識講, 事實亦明白不過, 但我祇係睇到呢篇訃文通告, 眼淚都不受控咁滴落, 媽媽有幾崩潰啊!
狗狗同3隻豬仔同年, 我個心更唔好過, 13歲嘅寶寶真係好老大麼?
豆b離開咗快3年, 我想起佢時個心仍滴血, 見到好朋友一下間痛失朝夕相對嘅兩個寶貝, 有幾大折磨? 個心有幾痛啊?
琴日喺網上群組見到一隻松松尋家, 第一眼望落已經感覺好特別, 覺得佢嘅表情動靜好似豬豆, 一下間神智有D恍然; 但當阿女問我有無心動, 想法有無改變, 會唔會峰迴路轉, 佢會唔會係豆b二號? 會唔會有想接佢返來嘅衝動?
 |
| 小寶貝, 祝福你找到一個永遠愛你嘅家! |
我好清楚, 呢種感覺來自掛念豬豆, 雖然我都好希望於佢有生之年比佢關愛, 但我唔會動搖, 心意堅決, 答應過兩隻豬仔唔會再加入新成員, 顧及波波達達嘅感受當然最重要!
可能因為我知道狗狗已經 6歲, 佢一定唔會係豆b再返嚟我身邊, 我哋無緣; 不過, 如果有一日, 我再見到一隻同豆b樣貌相似, 年紀同豆b離開嘅時間吻合, 我又會點? 仲會唔會一於耍手擰頭咁堅定? 咁洒脫?
 |
| 希望你有一個永遠嘅家, 要幸福啊! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
