如果唔相信有能量治療嘅, 呢篇你會當笑話!
呢幾年來, 我感受到能量治療對D豬仔幫助好大, 無形嘅reiki, 實質嘅能量藥, 幾隻豬仔都有正面得益; 以前口口聲聲話無科學跟據, 對呢一切否定, 其實係自己見識短淺, 宇宙浩瀚, 我有幾多學識?
多謝好朋友, 今次分享嘅係高能量手功皂, 朋友話狗狗用咗後毛髮順滑, 而且感覺狗狗情緒變好; 用呢款能量梘幫狗狗沖涼, 可以淨化氣場, 提升能量, 做梘呢位老師, 做呢D能量皂, 有捐比狗場嘅浪浪用, 有行動緩慢嘅用後都行得較舒服!
呢位老師都係有心人, 義賣用心機做嘅能量用品捐錢幫動物, 我當然支持, 助人助己一舉兩得; 今次呢件能量皂係好朋友先讓比我D豬, 佢知我心急, 我仲排緊老師做嘅能量沐浴shampoo!
你問到底有無用? 咁首先你要相信, 先可以接收到嗰種力度, 如果你存疑, 先入為主去否定, 就算用咗有得益, 你都可能無感應到效用!
以前我唔相信呢一切, 真係對一切能量零感應, 依家雖然接收都係唔強勁, 但又真係反應比以前好!
信則有不信則無, 一切係緣份引路!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
