整個香港被低氣壓籠罩住, 空氣質素勁差, 達達又猛流鼻水, 波波氣管又頂唔住, 開住空氣淨化都見到紅燈長時間亮起😟, 還好呢兩日落咗幾場大雨, 感覺好D!
最近覺得兩隻豬健康狀況麻麻哋, 但我講唔到實質狀況, 但就有強烈感覺, 佢哋嘅健康正穏步向下滑落!
其實達達已經無好似以前咁抽筋, 亦無突然尖叫, 應該係病情已控制住, 但佢表現好飄忽, 時而好精神時而好似無晒氣; 波波胃口仍正常, 開餐都係秒殺, 但自從膝關節移位嚴重, 我覺得佢明顯精力衰退!
依家大部份時間兩隻豬都係瞓覺, 見到呢短短半年間變化好大, 外觀見到係毛髮比前乾旱稀薄, 眼仔神采亦減退, 望住佢哋老去嘅外表好唏噓!
又阿Q咁去諗啦, 可以陪伴住佢哋垂垂老去, 都係一種福氣, 有得老....總好過年紀輕輕就離去!
深呼吸, 正能量, 活好每一天, 都係珍惜時光好好相聚, 生老病死總要面對!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
