感覺達達表現差咗, 我即刻做檢討睇吓邊方面出錯, 諗來諗去唯一做出嘅改變, 係將CBD oil嘅份量減少咗, 以前每日兩次, 減為每日一次, 但似乎唔得啊!
原來CBD oil對達達真係有幫助, 食緊嘅時候無大感覺, 覺得佢係比以前進步咗, 但佢食緊咁多supplement, 我點知邊樣有效果?
今次將CBD oil減量後, 就發覺達達表現真係差咗, 原來CBD oil有咁強勁正面效果!
你可能好奇怪好端端點解要減量? 真係搵嚟搞喎...
其實一直我都有跟進CBD oil對身體嘅影響, 因為我都想幫到波波, 波波有關節問題, 用CBD oil我肯定會有幫助, 但佢有蛋白尿又食緊西藥, 我唔敢亂用啊; 但網上好少有關呢隻油同蛋白尿藥相互作用嘅資料, 於是我加入咗兩個外國群組, 睇吓會唔會見到有人分享相關經驗, 可以幫到我!
結果喺腎病狗狗群組, 見到有腎狗食咗可以穩定腎指數, 但有關蛋白尿用CBD oil資料就搵唔到, 而CBD oil群組, 有關資料都係無; 最後從好多方面探求, 得知CBD oil會減弱波波用緊嘅蛋白尿西藥, 咁我唔會比波波用囉!
喺搵資料呢段期間, 睇到CBD oil有可能會影響到肝酵數高, 達達曾有過呢個issue, 咁我驚嘛, 就決定減量, 但結果係唔好!
CBD oil對達達正面影響較負面高, 兩者取其優, 我決定恢復往時劑量, 肝方面就唯有靠草本排毒!
達達食咗同一牌子嘅CBD oil都有頗長時間, 係時間轉一轉品牌, 今次用咗好多人推介嘅CANNANINE, 希望得到更卓越功效, 轉一個新配方都要從低劑量開始, 慢慢調較, 安全intake係最重要嘅一環!
希望達達用返正常劑量後會開胃返, 身體狀況會穩定D啦!
CBD大麻籽油的功效與副作用
https://formulawave.com/cbd-hemp-oil-benefits-side-effects/
https://www.petmd.com/dog/general-health/cannabis-oil-dogs-everything-you-need-know
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
