2019年聖誕, 唔識點講聖誕快樂, 喺呢個聖誕前後, 最難過係有認識嘅人同認識嘅狗狗都相繼離開, 心情壞透!?
我呢D狗奴材, 都係留守屋企專注於照顧兩隻豬仔, 希望佢哋一切平平穩穩, 身體無突發問題, 已感萬幸!
2019年聖誕, 同大家講句Best Wishes, 我覺得更實際!
 |
| 但願豆b喺天家過嘅係快樂聖誕🎄🎅 |
近日聖誕假期專注研究為波波打造輪椅, 換轉以往嘅我一定好痛心, 個心肝寶貝行步路都要借助外物, 我根本好難接受; 可能真係見到其他狗狗有太多不幸, 亦可能自己對事物睇法改變咗方針, 祇要仲可以有辦法解決到困難, 我好感恩!
上次買比波波嘅輪椅佢唔接受, 本來問過P姐姐想訂造一個比波波, 但P姐姐唔同意佢用輪椅, 要做復健按摩幫佢關節復位, 先係針對佢舉步難行!
P姐姐開咗佢嘅治療中心都好一段時間喇, 對我嚟講路途遙遠, 佢都有年多無見過波波, 根本唔知波波情況已退步咗好多; 波波嘅膝關節唔可以定位, 就算按摩可以當時復位, 但無辦法固定一郁就滑出仲點行?
我依家只可以比佢企喺度用餐, 做鍛鍊都要縮短時間!
唯有DIY, 叫老公研究點辦, 上次為乖仔做嘅angel ring都無困難, 有愛就易辦; 老公咁鍚幾隻豬仔, 一定唔會托手踭!
佢叫我搵資料, 佢就試吓做, 唔啱改到啱啦!
兩公婆呢排埋頭苦幹, 唔係專業左改右改, 要size適合又舒適都頗困難!
我參考咗P姐姐用嘅料, 因為物料較輕比較易擔, 然後參考FB上寵物復健輔助用品討論交流版, 嗰種款式對波波幫助較大, 因為佢睇唔到, 我要照顧埋唔好比佢撞親呢一關!
將適用嘅資料收集, 取長補短實行為波波DIY, 老實講, 有適合嘅真係寧願買, 做起上來都遇到好多困難, 唔係食呢行飯嘛, 無工具又搵料難😝!
大概嘅輪廓已造好, 但老公話仲要修改更fit嘅size, 仲有承托嘅物料都唔易搞, 呢樣就由我去辦, 陳封嘅衣車又出動, 但搞到我頭都大, 要個仔肯上馬真係好難, 最後...還好諗到解決嘅辦法😊!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
