 |
| 相片連結 |
忙碌嘅日子好似特別快過, 剛剛過咗3隻豬嘅生日, 一眨眼又到中秋!
呢段日子咁忙, 我真係無時間張羅幫3隻豬影主題相, 原來每年我巴巴閉閉咁佈置, 都要配合有閒情逸致喎 !
我又唔想3隻豬今年無得食應節月餅, 忙都要整番幾個, 當然都係番薯做餅皮, 我對傳統餅皮懶去學; 對於一切煮食, 無論做小菜西點我一律無興趣囉, 依家無工人幫手, 成日要煮真係折磨 :(
都無心情做佈景影相囉, 算最方便就係帶佢哋落樓下, 影番幾張過節相, 保持住3隻豬嘅中秋節相簿今年唔會空白, 我收貨囉 :)
3隻豬祝大家中秋節快樂, 月圓人圓事事團圓!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
