 |
| 相片連結 |
終於到咗9月6日, 一對twins嘅正式生日, 達達如過去數年一樣, 一齊慶祝啦!
今年係最簡單嘅一年, 無特別畫背景畫, 亦無整任何點心, 就連每年必備嘅壽包仔, 都差D忘記咗呀; 匆匆忙忙一早跑落樓下, 喺超級市場買包即食點心, 意思意思啦, 雖然一切簡化, 自己身體仍未100%康復, 但自從買開長壽包, 我就要堅持啦;P
到咗中午時間, 簡單佈置一下, 就出去拎蛋糕喇, 今年訂做咗個好唔錯嘅生日蛋糕, 係紅菜頭薯茸鴨肉黑芝蔴, 聞到都好香, 3隻豬都好鍾意啊!
今年忘記叫老公攞假, 就得阿女同我一齊陪住3隻豬, 叫阿女影番幾張相, 咁就過咗佢哋嘅9歲生日喇!
多謝好朋友C訂做咗個cute版波波, 送比我做佢哋嘅生日禮物, 哈哈, 點解佢哋生日會係我收禮物㗎 ;)
C知我係個偏心媽媽, 最錫波b, 所以做咗波b送比我啦:)
佢話諗咗好耐, 應該係同3隻豬有關嘅禮物我先會鍾意, 多謝你呢份心思心意, 個公仔真係好得意啊!
每年嘅願望都無變, 呢個願望會係直至永遠, 祝願3隻豬身體健健康康, 而我會盡能力照顧好佢哋, 其他所有一切都唔重要喇!
寶貝豬仔, 媽媽真係好錫你哋, Happy Birthday & every single day!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
