 |
| 豆b你唔好嚇我啦!!! |
兩個月前3隻豬常規驗血, 醫生話3隻豬心臟都無問題, 肺好清, 心無雜音, 心跳、 心率正常, 最差都係豆b條氣管仔啫, 呢個解說比我好大安慰!
豆b一星期前疑似有抽筋問題, 不幸琴日又再嚟, 佢開餐時同波波嘈交, 激動起嚟全身肌肉唔受控制, 行到一仆一碌就快跌低; 我回想上次都係開餐時候, 佢太緊張嘈嘈閉, 過於激動就抽筋啦!
但我總覺得佢同一般抽筋唔同, 都係手脚不協調行到向前舂, 可能佢激動會影響咗佢心臟泵血卦; 當然我都即刻餵佢順勢療劑, 要先等佢鎮靜落嚟!
http://yippompom.blogspot.hk/2012/06/blog-post_28.html
每次佢哋有事都嚇到我手騰脚又震, 真係心血少D都頭暈, 冷靜落嚟, 上網睇睇, 咁啱見到V嘅一篇post講及心臟病, 有幾點同豆b都相似嘅！
link：http://holisticpethelp.com/zh/news/2014/08/09/heart-health-vital
- 持續咳嗽，最嚴重的在晚上。
- 無法運動，容易疲倦
- 減少活動量
- 身體往往比正常熱或較冷
- 食慾不振
- 血壓偏高
- 毛是暗,枯燥
我只以為佢氣管差, 無諗心臟問題方面啦, 況且聽診佢係OK嘛!
睇咗呢個post, 開始上網再搵吓, 原來我所謂嘅抽筋, 獸醫定性為Fainting spells , 當激動時影響佢oxygen circulation, 突然到腦部嘅血流減少, 亦同心臟血液循環有關!
朋友叫我帶豆b去做個心臟超聲波確診, 但呢個檢查對豆b係高難度啊!
我有問過醫生, 超聲波檢查要唔要麻醉, 佢話狗狗唔會唔郁乖乖合作, 咁照出嚟都唔會清晰, 最起碼都要打個鎮靜劑!
豆b見醫生一向係超緊張, 有試過嚇到賴尿, 每次都大聲尖叫, 上次想抽多少少血再驗仔細D都唔成功, 做呢個檢查麻醉機會相對會高, 但要豆b麻醉嘛.....
同阿女老公商量, 究竟要點先係適當嘅做法??
佢哋都唔同意現階段去做呢個檢查, 比較起佢發病情況呢個檢查風險更高, 況且我都唔想再用chemical drugs, 我一諗起bebe同叻叻嘅心臟病, 要長期用藥攪到器官衰竭, 10歲就走咗, 就過唔到自己嗰關啦!
我心一亂就個腦實晒, 咩都唔識諗喇; 好彩老公提醒我, 問我用順勢療法得唔得呀!
今日請Mi send個email到澳洲問診, 將豆b情況詳細告之, 醫生好快覆咗我!
佢suggest咗"healthy heart" 呢一組藥比我, 話will be of benefit for this little guy.
睇過醫生比我嘅相關資料, 認為值得試吓, 畢竟豆b心無雜音, 心跳、 心率仍屬正常, 情況唔算太壞!
但願呢組藥可以將佢心臟功能強化, 可以有足夠嘅收縮動作, 幫到佢個心仔改善好血液循環!
而我 - 要盡可能控制佢唔好咁激動喇！
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
