 |
| 瞓醒好似無晒事! |
今早起身餵3隻豬食早餐, 覺得豆b有D唔妥喇, 點解好似企得唔穩?
但放低佢份早餐, 佢都努力咁食, 但我總係覺得同平時有唔同, 於是望住佢都唔敢眨眼!
佢終於食完晒喇, 離開餐兜向住我行, 見佢行唔到直線, 明顯搖搖擺擺, 我心都實晒!
我第一個感覺係佢頸椎問題又復發喇, 唉, 真慘!
但當我抱起佢時, 就發覺佢好似達達咁縮起前手, 身體僵硬..... 噢!!!!我暈喇, 豆b開始抽筋啊 :'(
點解點解, 點解會抽筋? 唔通真係年紀開始大? 所有問題逐一浮現晒?
養咗松松咁多年, 發覺好似松松特別多抽筋呢個毛病, 身邊認識嘅幾個狗友, 佢哋嘅松松都有抽筋症狀, 但獸醫都係講唔到原因, 只叫抽得密就用藥物, 我最怕係咁; 當年叻叻抽筋, 就係長期食藥控制, 攪壞肝腎!
不過聽過狗友嘅獸醫講解, 話豆b達達呢種叫痙攣, 唔算係真正抽筋; 因為佢哋係清醒無休克, 無流口水亦無失禁, 同當年叻叻情況唔同!
今次達達同豆b疑似抽筋, 按之前獸醫嘅建議, 都係叫觀望, 嚴重時就用藥物; 但我真係唔想用咁大副作用嘅抽筋藥, 唔想應咗俗語話嘅"醫得頭來脚反筋", 好似骨牌倒下咁各個器官跟住"林"!
仍然借助順勢療法, 希望對豆b一樣有幫助, 我希望可以及時控制住, 而唔係等到情況惡劣先開始研究邊個辦法可行!
豆b今次好快放鬆番, 佢性格無達達咁神經緊張, 冷靜落嚟好快去咗瞓覺; 但我比佢嚇一嚇, 攪到我頭都暈埋, 明明已經在康復中都好似又衰番 :'(
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
