 |
| 相片連結 |
每日餵早餐, 放低個糧兜就好易見到佢哋有無麻煩, 琴日兩隻女好正常衝去自己個碗開餐, 但波波....行得好慢, 仲只係聞咗一吓, 就番上床仔瞓覺 :(
唔食嘢係天大問題, 早兩日豆b作抽筋都仲努力咁食, 其實我覺得佢吞嚥好似有D困難, 正想過去拎起佢糧兜, 佢緊張起嚟好快食晒 :(
今次波波又唔知邊度出事喇, 還好一早見佢有大小便, 都係正常狀態, 於是同佢探熱啦, 體溫正常無發燒, 咁唔通係又嚟肌肉、神經痛?
真係要再一次講好彩有順勢療法, 用咗咁耐都大概摸到點用順勢療劑喇, 即刻餵佢食藥啦!
今次我用緊急做法, 跟指示每15分鐘餵一次, 明顯見佢有改善, 我等佢好好休息, 到中午飯時間, 佢食得正常番晒!
唔想好似寶藥黨, 講到天花亂墜, 好似天荒夜談; 但我所講每句都係真說話, 係自己嘅經歷嘛; 好多謝Mi介紹我用呢個另類療法, 等我從此有多一個選擇!
今日繼續比波波用相同療劑, 但用正常食法, 今次揀中正確選擇, 佢精神番晒！
當然毛小孩有唔舒服應該係要見獸醫, 但幾次經驗都係無得即日睇嘛, 如果叫我隨便亂點亂撞是但見一個, 分分鐘唔睇好過睇啦!
實在聽過好多大家分享嘅事例, 唔係每個獸醫都會拎個心出嚟, 太多太多只求賺一筆醫藥費!
我唔抗拒做必要嘅化驗, 為求搵出個病因作判斷, 基本上我係非常合作嘅家長, 甚至會要求醫生要check得徹底!
Dr. Hsiang就有講笑, 佢話好多主人唔理是否必要, 非常抗拒做任何檢驗, 好少有我呢種毛遂自薦 :)
我有必要澄清呢點, 我會考慮所做嘅化驗是否"必要", 根本我會因應佢哋病徵先做功課, 而經我千挑萬選嘅獸醫, 我信得過佢哋唔會亂點!
所以, 我真係唔想因book唔到自己嘅獸醫, 亂打亂撞亂睇一個, 而令寶貝有不必要痛苦嘅體驗!
順勢療法係我第一度防線, 如果夾到應該會好咗, 基本其藥性好溫和; 但太大、緊急問題未必有幫助, 應該講唔識比中適合嘅療劑, 又或者唔喺最快時間比到正確嘅療劑係無幫助, 所以之前豆b同波波, 都係要見獸醫先得囉!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
聲明
**我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用。原意只想分享我用過嘅產品, 經驗，我養狗狗嘅心路歷程。希望比各主人作個參考咁啫.
但大家要明白,保健品嘅療效對每個身體並唔一定有相同反應, 大家喺選擇保健品嘅時候，自己要做多D資料搜集, 因為你先最瞭解你寶貝嘅情形; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品。**
大家要小心, 所有保健品都有機會導致個別狗狗有敏感㗎！
